Foresto - Kanto da The Cure
Un di la unesma texti quin me skribis en Ido esis la tradukuro di la
kanzono "A forest" (Foresto) da la Angliana rokmuziko-grupo
The Cure ek la yaro 1980.
Ca tradukuro desparis kun mea olda blogo. Nun me retradukis la Angliana texto
aden Ido.
Me ankore tre amas ca kanto:
Foresto (A forest)
Proximeskez e videz
Videz aden l'arbori
Trovez la yunino
Se tu povas
Proximeskez e videz
Videz aden l'obskureso
Sequez nur tua okuli
Sequez nur tua okuli
Me audas elua voco
Vokante mea nomo
La sono esas basa
En la obskureso
Me audas elua voco
E kureskas
Aden l' arbori
Aden l' arbori.
Subite me haltis
Ma me savas ke esas tro tarda
Me esas perdita
En foresto
Tote sola.
La yunino nultempe esis ibe
Esas sempre la sama
Me kuras aden nulo
Itere ed itere ed itere...
(Originala texto da The Cure, 1980)
Keine Kommentare:
Kommentar veröffentlichen